Dagiti Banag a Kalkalikaguman
Nabulod manipud kenni Max Ehrmann iti daniwna a Desiderata
A
gbiagka a natalna iti puseg ti kinatagari ken kinakumikom,
ket tandaanam adda kinatalinaay iti kinaulimek.
No mabalbalin, di mo koma isuko ti nasayaat a pannakilangen iti amin a pinarsua.
Iwaragawagmo ti kinaagpayso babaen iti kinatalna ken kinalawag;
Denggem ti sabali, uray pay dagiti ngelngel ken nakuneng addaanda iti palawag.
Liklikan dagiti natagari ken nakarit a tao.
Pagluksawenda ti kararuam.
No iyarig mo ti bagim iti sabali,
Agbalinka a napannakkel ken nasingar;
Ta kanayon nga adda makapulapolmo a nababbaba wenno nangatngato ngem sika.
Agragsakka kadagiti balligim ken nasangal a planom.
Taginayonem ti asgarmo iti ubram, uray man no nanumo;
Maysa daytoy a gameng iti panagbalbaliw ti panagtayyek ti lubong.
Agtanangka no maipapan iti negosio,
Ta daytoy lubong napno iti manangliliput.
Ngem dimo koma palubusan a kalubanna ti matam iti kinaimbag;
Ta adu ti tao nga agregget tapno agbalin a pagwadan
Ta uray sadinno man, ti biag ket napno iti kinabannuar.
Agtalinaedka iti kinasiasinnom.
Dika pamuayen ni panangiyalikaka.
Ni uray mapanglais iti ayat,
Ta ti rupa ti pannakawaw ken pannakapaay,
Ket kapadpad ti ruot nga agpatinayon.
Utobem ti adal ti panawen, ket iwaksim ti saguday ni kinaagtutubo.
Patibkerem ti pakinakemmo tapno no dumteng ni babak
Agbalin daytoy a sanggir ken salaknib mo.
Liklikam ti pannakapagel kadagiti nalilidem nga imahinasion.
Kaadduan nga iti pangaddua a mamunganay ti pannakautoy ken kinatarumpingay.
Iti laksid ti natun-oymo iti kinadisiplinam,
Di mo koma imutan ti bagim.
Maysaka nga anak ti law-ang.
Kapadpadmo dagiti kayo ken bituen;
Adda karbengam met no apay nga addaka ita ditoy.
Nalawag man wenno saan kenka,
Awan dudua a ti law-ang agbukar a kas iti nakalanad.
Anansa'ta makikappia iti sidong ti Dios,
Siasinnoman Isuna iti pannakaamom.
Ken ania man ti pagbanbannogam ken kalkalikagumam,
Uray pay ti tagari iti pannakariro, pagtalnaem ti kararuam.
Iti laksid ni pannakalimo, pannakautoy, ken kadagiti naperdi nga arapaap,
Ti lubong ket nangayed latta.
Liwliwaem ti bagim.
Agreggetka nga agragsak.
-o0o-
Go placidly amid the noise and the haste, and remember what peace there may be in silence. As far as possible, without surrender, be on good terms with all persons.
Speak your truth quietly and clearly; and listen to others, even to the dull and the ignorant; they too have their story.
Avoid loud and aggressive persons; they are vexatious to the spirit. If you compare yourself with others, you may become vain or bitter, for always there will be greater and lesser persons than yourself.
Enjoy your achievements as well as your plans. Keep interested in your own career, however humble; it is a real possession in the changing fortunes of time.
Exercise caution in your business affairs, for the world is full of trickery. But let this not blind you to what virtue there is; many persons strive for high ideals, and everywhere life is full of heroism.
Be yourself. Especially, do not feign affection. Neither be cynical about love; for in the face of all aridity and disenchantment it is as perennial as the grass.
Take kindly the counsel of the years, gracefully surrendering the things of youth.
Nurture strength of spirit to shield you in sudden misfortune. But do not distress yourself with dark imaginings. Many fears are born of fatigue and loneliness.
Beyond a wholesome discipline, be gentle with yourself. You are a child of the universe no less than the trees and the stars; you have a right to be here.
And whether or not it is clear to you, no doubt the universe is unfolding as it should. Therefore be at peace with God, whatever you conceive Him to be. And whatever your labors and aspirations, in the noisy confusion of life, keep peace in your soul. With all its sham, drudgery and broken dreams, it is still a beautiful world. Be cheerful. Strive to be happy.
Desiderata by Max Ehrmann
#desiderata #ilocano #yloco #desirables #desideratayloco
